Bana nagduda ‘uyab’ iyang asawa, anak

NAKAANGKON og black eye ang anak samtang tikangkang ang amahan dihang nagsinumbagay diha sa ilang pinuy-anan tungod sa grabeng selos pasado alas 7:00 sa gabii, Hunyo 18, 2025, sa usa sa mga sitio sa Inayawan, Cebu City.

Nagduda ang 48-anyos nga amahan sa iyang 24-anyos nga anak nga nakigdulog sa iyang kaugalingon nga inahan.

Hubog nga nipauli ang amahan nga si alyas Boy ug nagmaoy dayon pagawas sa iyang pangabubho.

Matod ni Boy nga dili makapanghimakak ang iyang asawa ug anak tungod kay duna siyay third eye.

Nahitabo ang panaglalis sa managtiayon ug gidapatan ni Boy ang iyang asawa nga si Gloria (dili tinuod nga ngalan), 43, hinungdan nga nilaban ang anak.

Unang nasumbagan ang anak ug naigo sa iyang mata ug nibawos hinungdan sa pagkatikangkang dihang naigo sa kinumo.

Nidangop sa Gender and Development (GAD) office sa Inayawan si Gloria ug gustong ipadakop ang iyang bana.

Sa sinugdanan, mga tanod sa Inayawan ang niimbitar kang Boy ngadto sa barangay apan nagdumili siya sa pagkuyog hinungdan nga nagpauban na sila og polis. Diretso sa police station ang bana ug gidala sa mga personnel sa GAD si Gloria sa Women’s and Children Protection Desk (WCPD).

Giingong nagyawyaw si Boy nga mga baboy ang iyang asawa ug anak kay nag-unay ug giingong nakit-an pa niyang nakapatong.

Mga polis nihulagway nga dili lang hubog kondi nakasuyop ang amahan tungod kay nagpataka lang kini og sulti. 

Dihang nahuwasan na siya, nangayo og pasaylo sa iyang asawa. 

Si Crispina Monterde, GAD staff sa Inayawan, nipasabot nga ila dayong gi-turnover ang kaso ngadto sa WCPD ug wala sila mo-settle sukwahi sa nigawas nga report sa radyo.

Matod ni Monterde nga way pinirmahay nga nahitabo sa GAD office nga nagkahusay ang managtiayon. / VLM  

Source link

Leave a Reply

Your email address will not be published. Required fields are marked *