Dili na magpalansang

Moretiro na sa pagpalansang sa krus si Gilbert Bargayo, 65, human sa 30 ka tuig ma­tag Biyernes Santo.

Hinuon, duna na siya’y giban­say nga mosunod sa iyang lakang sa penetensiya.

“Last na lang nako to sa Tuyom, Carcar. Nahuman na ang akong panaad nga magpalansang sulod sa 30 ka tuig..” matod ni Bargayo sa Superbalita Cebu.

Niadtong Biyernes Santo, si Bargaryo nagpalansang sa krus sa Barangay Tuyom, Dakbayan sa Carcar nga gidagsa sa daghang tawo.

Gibutyag niya nga ang nisanong nga magpalansang sa sunod tuig mao si Jonas Cinco, 30, taga Sityo Dapdap, Barangay Polacion 3, Carcar.

“Makadaghan na usab na siya nag­pabitay sa krus uban nako ka­da Biyernes Santo..” matod ni Bargaryo, kisan mapasalamaton nga malampuson kanunay ang iyang panaad nga pagpalansang sa krus labina sa suporta sa mga magtutuo. / RRM