Nagbangis sa uwahing bahin sa fourth quarter ang Minnesota Timberwovlves ug milupig sa 2023 NBA champion Denver Nuggets, 119-116, sa NBA sa Minneapolis kagahapon, Nobiyembre 2 (PH time).
Nakapasulod og go-ahead basket si Anthony Edwards sa nahabiling 25.7 segundos sa duwa, ug gisundan kini sa duha ka free throws ni Rudy Gobert nga maoy miselyo sa duwa.
Si Edwards mipakatap og 29 puntos, mitunol si Gobert og 17 puntos ug 14 rebounds, ug si Julius Randle mihatag og 23 puntos ug pito ka assists para sa Timberwolves.
Gimaneho ni Aaron Gordon ug Nikola Jokic Nuggets sa ilang double-double performance. Si Gordon dunay 31 puntos ug 11 rebounds, samtang si Jokic hapit mag triple-double sa iyang 26 puntos, 13 assist ug siyam ka rebounds. / RSC
