Dear Papa Joe,
Palihog tabangi ko aning akong sitwasyon. Ako diay si Maria, 17 anyos, taga Leyte apan naa ko diri sa Cebu ron kay gipaeskwela ko sa akong ate.
Peo unsa ba nga kahimtanga nga nakarelasyon man ko diri.
Wala man sad nako pasagdi akong pagtuon pero supak gyud akong mga ginikanan pagkabalo nila nga tomboy akong uyab.
Si Ate wa may problema ug giingnan pa si Papa nga tomboy bitaw na, di na momabdos pero nasakitan ko kay para nila duwa-duwa ning akoa pero bisan tomboy akong uyab, nahigugma gyud ko niya.
Siya na ang plano nako nga maoy makauban nako sa tibuok kinabuhi.
Unsa may angay nakong buÂhaton? Palihog tambagi ko.
MARIA
Maria,
Wa siguro na sa tomboy o sa lalaki ang isyo.
Siguro para sa imong mga ginikanan mao ang kaugmaon nimo nga gipadala ka sa Cebu para moeskwela og tarong para sa imong future kay simbako masakitan ka sa imong gugma kay mapagan pa ang imong pagtuon.
Di sa ingon tomboy tanan seryuso sad.
Nakadungog naman sad ta ug mo two- time, Day. Secondary na lang na nga di mamabdos.
Siguro para sa imong mga ginikanan puhon ganahan sad sila nga makaapo.
Apan sa akong tan-aw ang imong pagtuon ang concern nila ug basin maikug sad sila si Ate nimo nga maoy nagasto sa imong pag-eskwela, dili sa pag-uyab-uyab.
Way lain makabuot nimo, ikaw ra gyud ang makasulbad ana. Salamat.
PAPA JOE
(sa inyong tampo ipadala lang sa [email protected])
