Usa ka miyembro sa Communist New People’s Army (NPA) ni-surrender sa kapulisan ug nakuhaan og armas ug mga explosive sa Ayungon, Negros Oriental niadtong Martes.
Si Lt. Stephen Polinar, tigpamaba sa Negros Oriental Police Provincial Office, niadtong Miyerkules nagkanayon nga ang kanhi rebelde, kinsang ngalan gipugngan tungod sa seguridad, gikan sa Sitio Pisok, Barangay Buenavista sa Himamaylan, Negros Occidental.
Ni-surrender siya sa 2nd Provincial Mobile Force Company (2nd PMFC) sa Barangay Carol-an, Ayungon, matod ni Polinar.
Gitunol usab sa kanhi rebelde ang usa ka mubo nga armas nga adunay mga buhing bala, usa ka hand grenade, ug laing tulo ka mga explosive.
