Mananagat patay nang napalgan sa mga alas 6 sa Martes sa buntag, Mayo 14, 2024, sa kadagatan sa Purok Nangka, Brgy. Granada, Boljoon, habagatang Sugbo.
Ang kapulisan sa Boljoon nga gipangulohan sa ilang hepe nga si P/Capt. Michael Sevilla niresponde og dead person human nakaplagan ang lawas ni Ali Medez, hamtong, taga Atabay, Alcoy nga patay na samtang sakay sa iyang pumpboat.
Ang nakakaplag giila nga si Eric Mendez, mananagat, taga Sityo Sila, Brgy. Granada.
Iyang nakaplagan si Medez nga naghigda sa iyang pumboat nga naglutaw sa lawod sa maong dapit nga wa nay panimuot hinungdan nga giguyod niya ang sakayan ngadto sa baybayon. / DVG
