GIKUMPIRMAR sa kapulisan nga si Rolan ‘Kerwin’ Espinosa gipusil pasado alas 4 sa hapon sa Huwebes, Abril 10, 2025, sa sa Barangay Tinag-an gymnasium, Lungsod sa Albuera, Probinsiya sa Leyte.
Gawas kang Espinosa, na-angol usab sa maong insidente ang menor de edad nga taga Barangay Tangas, ingon man ang kandidato pagka bise mayor nga si Mariel Espinosa Marinay. Nasayran sa SunStar Cebu nga luwas na sa maku-yaw nga kahimtang si Espinosa.
Base sa inisyal nga impormasyon, samtang naglingkod si Espinosa nga naghuwat sa iyang turno sa pag-speech, usa ka wala pa mailhing lalaki nga giingong nagtago sa kisame sa stage ang nipusil sa maong kandidato.
Dali nga gidala sa tambalanan ang mga biktima samtang nagpadayon pa ang imbestigasyon sa kapulisan.
Si Kerwin magpapili pagka ma-yor sa Albuera karong umaabot elek-syon sa Mayo 2025, iyang plataporma mao ang pag-rehabilitate sa mga tiggamit og ilegal nga drugas ug pagpapriso sa mga pusher.
Si Espinosa kinsa gitawag kaniadto og self-confessed drug lord, nag-atubang og kasong may kalambigitan sa ilegal nga drugas sa panahon ni kanhi Presidente Rodrigo Duterte, apan sagad sa iyang mga kaso nabasura. / ANV
