Gisaksihan sa Fraternal Order of Eagles (Philippine Eagles) Central Visayas Region 7 (CVR) 7 ang opisyal nga pagtudlo ni Eagle Elton John Balbutin isip bag-ong Gobernador sa CVR 7.
Ang maong kalihukan nga gipahigayon 1Nito Tower, Arch. Bishop Reyes Avenue, Cebu City naglakip sa induksiyon ug panumpa sa nagkalainlaing presidente sa club ug bag-ong napili ug gitudlong opisyal sa rehiyon gikan sa Central Visayas, apil ang Dumaguete ug Siquijor.
Ang seremonya nagtimaan sa lig-on nga panaghiusa ug pagpanalipod sa serbisyo sa komunidad diin ang mga bag-ong lider sa Eagles fraternity nanumpa sa pag-alagad nga may integridad ug dedikasyon.
Si Eagle Leonardo “Tom” Bituin Jr., National President sa Fraternal Order of Eagles (Philippine Eagles) ang nidumala sa pagpanumpa ni Gobernador Balbutin, mga presidente sa club, ug mga opisyal sa rehiyon.
Ang iyang leadership ug paggiya nagpabiling haligi sa nagapadayon nga impluwensya sa fraternity sa rehiyon.
Usa sa mga highlight sa seremonya mao ang keynote speech nga gihatag ni Cebu City Vice Mayor Donaldo “Dondon” C. Hontiveros nga usa ka respetado nga miyembro sa Fraternal Order of Eagles.
Bisan sa iyang busy nga schedule, nisalmot siya sa maong kalihukan aron ipadayag ang iyang suporta sa organisasyon ug sa misyon niini.
Sa iyang pakigpulong, iyang gihatagan og gibug-aton ang kamahinungdanon sa pag-alagad sa komunidad ug ang dakong papel sa Eagles sa pagpasiugda sa positibong kausaban pinaagi sa brotherhood ug social responsibility.
Nagpasalamat si Vice Mayor Hontiveros nga siya nahimong kabahin sa fraternity nga naghatag og gibug-aton sa lig-on nga panag-uban ug samang tumong sa tanang miyembro samtang sila nagtinabangay alang sa mas maayong kaugmaon para sa mga komunidad sa Central Visayas.
Ang induction ceremony nga puno sa inspiring speeches ug bag-ong tinud-anay nga katuyoan, nagtimaan sa pagsugod sa usa ka bag-ong kapitulo alang sa Fraternal Order of Eagles sa Rehiyon 7.
Ubos sa pagpangulo ni Gobernador Balbutin ug panaghiusa sa mga presidente sa club ug mga opisyal sa rehiyon, andam ang Eagles fraternity sa pagpalambo pa sa misyon sa pag-alagad pinaagi sa lig-on nga panag-igsuonay aron makatabang sa katawhan ug molambo ang mga komunidad sa Central Visayas.
Nagapadayon sa ilang tinguha ang Fraternal Order of Eagles (Philippine Eagles) nga makahimo og usa ka nagkahiusa ug malumo nga katilingban diin nag-una ang espiritu sa panag-igsuonay ug pagkamaluloy-on.
Samtang nanumpa si Gobernador Balbutin ug ang iyang grupo, andam ang Eagles fraternity sa pagpadayon sa paghimo og dakong kalambigitan pinaagi sa mga programang pangsosyal, serbisyo sa komunidad, ug suporta sa mga propesyonal sa tibuok rehiyon.
Ang Fraternal Order of Eagles (Philippine Eagles) usa ka nasudnong socio-civic nga organisasyon nga nagtinguha sa pagpasiugda sa panag-igsuonay, serbisyo sa komunidad, ug pagpalambo sa katilingbang Pilipino.
Pinaagi sa nagkalainlaing chapter ug mga miyembro niini, ang organisasyon aktibo nga nalambigit sa daghang mga humanitarian nga mga paningkamot ug mga kalihukan sa pagtukod sa komunidad sa tibuok Pilipinas. / PR
