Giyayungan si Charlotte Hornets guard LaMelo Ball paingon sa locker room human kini naangol (right ankle sprain) atol sa ilang kapildihan batok sa Orlando Magic, 130-117, ning Lunes, Nobiyembre 27, 2023 (PH time) sa National Basketball Association (NBA).
Nasinati ni Ball ang iyang pagkaangol sa hinapos nga bahin sa 2nd quarter ug wala na siya nakabalik pagduwa.
Sa pagbiya ni Ball, tataw nga naglisod pagtapak ang Hornets sa haw-ang nga iyang nabiyaan.
Si Ball nag-average og 26 puntos ug siyam ka assists sa kasamtangang season.
