Bomba napalgan nga nasagol sa mga scrap iron sa usa ka junkshop sa Purok 2, Barangay Sto. Niño, Lungsod sa San Jose, Negros Oriental.
Si Police Staff Sgt. Jemwel Dela Cerna nga nadestino sa Tanjay Police Station maoy nakakita sa bomba ug dali nga nanawag sa San Jose Municipal Police Station.
Nangayo og back up ang San Jose ngadto sa Explosive and Ordnance Division K9 unit nga mas nasuheto sa paghipos og bomba.
Sa dihang gihiling ang maong bomba sa mga sakop sa EOD K9 unit, pinaagi ni Police Chief Master Sgt. Marcelo Agusto Lerio, nasuta nga kini 60mm nga mortar.
Gihulagway nga delikado kini kon mobuto.
Sa imbestigasyon, nasayran pinaagi sa usa ka certain Jim nga ang bomba napalit gikan sa usa ka residente sa Zamboanguita , Negros Oriental.
Kini gi-turnover na ngadto sa EOD K9 Unit alang sa proper disposal. / DVG, hulagway gikan sa San Jose MPS Negros Oriental
