Dunay live-in partner si Apple, 38 anyos, nga minyo apan buwag na sa asawa siyam ka mga tuig na ang nakalabay. Duna silay usa ka anak ni Apple nga three years old.
Sa nanguyab pa niya ang iyang live-in partner, nisaad ni nga ipa-annuled ang ilang kasal sa iyang asawa aron magminyo sila. Apan lima ka tuig na ang nakalabay, wa nay hisgot. Kon maghisgot na gani siya og annulment ug kasal, di na motingog ang iyang partner.
Karon dunay nanguyab niya nga 45 anyos nga single, buotan. Nakahibawo ni sa iyang sitwasyon ug willing siya nga pakaslan ug dawat sa lalaki nga duna siyay anak. Ready kaayo nga mopakasal niya ang lalaki.
Naglibog siya karon kon kinsa ang iyang pilion, ang iya bang live-in partner nga wa na maghisgot og kasal o ang lalaki ba nga andam nga mopakasal niya. Mao ni ang atong hisgotan ug tukion karong hapona sa Tambagi Ko, Noy Kulas.
