NIPADANGAT og reklamo si Maria Aiza Heiner ngadto sa buhatan sa Assistant Provincial Prosecutor sa Baybay, Lalawigan sa Leyte batok ni Andrea Larrazabal Tan og Cyberlibel o Unjust Vexation.
Ang maong affidavit-complaint ni Heiner ang gi-received sa prosecution niadtong Pebrero 11, 2025.
Nasayran nga si Heiner, usa ka negosyante samtang si Tan, nagpapili pagka konsehal sa Lungsod sa Villaba, Leyte alang sa umaabot nga midterm election karong Mayo.
Saysay ni Heiner sa iyang affidavit nga niadtong gabii sa Enero 9, siya og iyang bana nag-away rason nga nag-live stream siya sa iyang social media page.
“In the course of the quarrel, I thought my life and the life of my family was in danger, particularly my father. I panicked and started a Facebook live wherein I asked for help,” tipik sa natala sa iyang affidavit complaint.
Katuyoan sa iyang pag-live sa Facebook diin siya naghilak ug na-panic human sa hitabo, aron nga makapangayo og dinaliang tabang, apan wala magdugay iya ra sab nga gi-delete ang maong live sa dihang wala ra nameligro ang iyang kinabuhi.
‘NAGBUGAL-BUGAL’
Apan giingong si Tan ni-share sa iyang FB live ug gibutangan og title nga “New Trend Video Challenge” nga makita nga gisunodsunod ni Tan ang sinultihan ug linihokan ni Heiner nga gihulagway nga nagbugalbugal.
Aduna say comments ug posts si Tan kabahin sa maong hitabo nga ang gihimong live stream ni Heiner nga matod pa nakapaukay sa tibuok Dakbayan sa Ormoc, hinungdan nga nidangop ang maong reklamante sa mga polis.
“It caused me great distress because when I made Facebook live, I was genuinely scared for my life. Even though it turned out that my life was not in danger, my feeling at that time was that my father was already dead and I could be next. It was terrifying. It was a very traumatic day of my life, and it is unfortunate that Andrea is making fun of my situation,” matod pa ni Heiner.
“I felt ashamed and deeply distressed, not only because she made fun of a traumatic experience of my life, but also because her mockery encouraged other people to post negative and hurtful comments about me,” dugang pa niya.
Gisuwayan sa Superbalita Cebu og pangayo sa iyang habig si Tan, apan wala pay opisyal nga pamahayag nga giluwatan ang iyang kampo. /PR /FVQ
